FOI birra - nordsamiska
FOI dutká sihkkareappot máilbmi dihte. Nu lea min višuvdna mainna bargat ollašuhttit, buot min doaimmain. FOI, suodjalusa obbalaš dutkaninstituhtta, bargá buot suodjalus- ja sihkkarvuođagažaldagaiguin.
Mii dahkat sihkkarvuođapolitihkalaš guorahallamiid ja árvvoštallamiid iešguđetlágan áitagiid vuostá. Mii leat njunnošis čáhcevuoledutkamis ja bávkalanávdnasiin. Mii ovddidit mearridandoarjjavuogádagaid ja vuogádagaid gos olbmot, teknihkka ja organisašuvnnat galget ovttasdoaibmat. Mii dutkat maiddái girdinvuogádaga, IT-sihkkarvuođa, rádár, láser ja eará sensorvuogádagaid ja got suodjala váralaš ávdnasiid vuostá.
Min dutkan čađahuvvo sihke guhkitáigásaš perspektiivvas lokten dihte gelbbolašvuođa doaimmas ja eanet máhttugeavaheaddji doaimmas. Dalle geavahuvvo dutkan ja ovddideapmi, analysat ja nu áin vástidan dihte eanet oanehisáigásaš váttisvuođačuolmmaid bargoaddiin.
FOI.as min dutkat sihkkarvuođa birra buot servodatdásiin- našuvnnalaččat, regiovnnalaččat ja báikkálaččat. FOI máhttu jerrojuvvo maiddai riikkaidgaskasaččat ja mii jođihit máŋga ON- prošeavtta.
FOI lea okta dain njunuš dutkanásahusain Eurohpás gádjun ja sihkkarvuođa suorggis. FOI lea stáhta eiseváldi Suodjalusdepartemeantta vuolde ja eanáš oassi doaimmas lea diŋgojumiid ektui ruhtaduvvon. Stuorimus bargodiŋgojeaddji leat Suodjalus ja Suodjalusa materiála doaimmahat, Ráđđehuskansliija ja MSB, Servodatsuoji ja gearggusvuođa eiseváldi. Mis leat maid ollu bargogohččumat eará stáhta eiseválddiide, gielddaide ja fitnodagaide erenomážit heahtegearggusvuođa- ja sihkkarvuođa suorggis.
Instituhtas leat sullii 1000 bargi. Sullii 800 dain leat dutkit akademalaš dásis. FOI.as barget sihke fysihkkarat, kemistat, siviilainšenevrrat, stáhtadieđačeahpit, matematihkkarat ja filosofat dutkamiin, vuogi- ja teknihkkaovdánahttimiin, analysaiguin ja dutkosiiguin.
FOI.a dutkanraportat gávdnojit lohkat ruoŧagillii ja muhtin áššit maiddái eŋgelasgillii. Daid sáhttá viežžat dehe diŋgot dán siiddus.
Oktavuođadieđut FOI.ai gávnnat siiddu vuolimusas, beroškeahttá man interneahttasiiddus leat.
Jus háliidat kommenteret dán interneahttasiiddu de deaddilat alit Guođe feedbac.