Menu

Totalförsvarets forskningsinstitut

FOI:en bïjre - sydsamiska

FOI dotkoe sagki jearsoesåbpoe veartenen åvteste. Naemhtie mijjen visjovne mejnie barkebe jaksedh gaajhkh mijjen barkosne. FOI, Totalförsvarets forskningsinstitut barka gaajhkene laavenjassigujmie vaarjelimmie- jïh jearsoesvoetegyhtjelassine.

Person i skyddskläder och forskare

Mijjieh jearsoesvoetepolitihken analysh jïh vuarjasjimmieh darjobe ovmessie såarhth aejhtiemijstie. Mijjieh vihkeles dotkemisnie tjaetsien nuelesne jïh dotkemisnie eksplosijve ïebni bïjre. Mijjieh nænnoestimmiedåarjoeöörnegh evtiedibie jïh öörnegh gusnie almetje, teknihke jïh organisasjovne edtjieh laavenjostedh. Mijjieh dotkebe girtiesysteemi, IT-jearsoesvoeten, radaren, laseren jïh jeatjah sensovresysteemi bïjre, jïh aaj vaarjelimmiem vaahreles ïebni vööste.

Mijjen dotkeme tjïrrehtibie dovne guhkiebasse perspektijve maahtoe­bigkeme darjoemidie jïh jienebisnie maahtoe­sjïehtesjimmien darjoemisnie. Dellie dotkemem jïh evtiedimmiem, analysh jïh vielie nuhtjebe guktie maehtebe vaestiedidh åeniehkåbpoe dåeriesmoerh barkoevedtiejistie.

FOI:esne mijjieh jearsoesvoeten bïjre dotkebe gaajhkene sïebredahkedaltes­inie – nasjonaale, regionaale jïh voenges. FOI:en maahtoe lea lissine vihkeles internasjonaalen daltesisnie jïh mijjieh libie gellie EU-prosjekti åvtehke.

FOI lea akte dejstie Europan vihkeles dotkemeinstituhtijstie vaarjelimmien jïh jearsoesvoeten åvteste. FOI lea staaten åejvieladtjeh Försvarsdepartementen nuelesne jïh jeenjemes mijjen barkoste leah stillemijstie maakseme. Mijjen stöör­emes stillemevedtiejistie leah Försvarsmakten, Försvarets materielverk, Regeringskansliet jïh Myndigheten för samhälls­skydd och beredskap, MSB. Mijjen aaj gellie jeatjah stillemh jeatjah staaten åejvieladtijste, tjïeltijste jïh sïeltijste evtemes neavroeriejriesvoeten- jïh vihtiesvoetedajvine.

Instituhte medtie 1 000 barkijh åtna. Med­tie 800 dejstie leah dotkijh akademijen daltes­isnie. FOI:sne dovne fysikerh, kemisterh, civilingenjöörh, sïebredahkedaejrijh, matema­tihkerh goh filosoferh berkieh dotkemisnie, vuekie- jïh teknihkeevtiedimmine, analysine jïh lohkeminie.

FOI:en dotkemereektehtsh gååvnesieh lohkedh dovne sveerjengïelesne jïh såemies dejstie englaanten gïelesne. Maahtah dejtie veedtjedh jallh dængkodh dennie sæjrosne reektehtsh.

Gaskesadtemebïevnesh FOI:se datne gaavnh vuelelen dennie sæjrosne, seamma saaht gusnie leah sajtesne.

Jis sïjhth maam akt lahtestidh dan websæjroen bïjre diedtesth dellie dam plaave Lämna feedback-båaloem.

Dela sidan på sociala medier

Last updated: 2021-04-13